Millidə dava: Arda jurnalistə hücum çəkdi

Türkiyə millisinin ulduz futbolçusu Arda Turan daha bir qalmaqalla gündəmə gəlib. Futbolxeber.az-ın məlumatına görə, “Barselona”lı oyunçu bu dəfə media nümayəndəsi ilə dalaşıb.

 

Türkiyə mətbuatından bildirilib ki, 30 yaşlı yarımmüdafiəçi tanınmış jurnalist Bilal Meşeye hücum çəkib. Yığmanı İtaliyaya aparan təyyarədə Meşenin 2016-cı ildə Arda haqqında yazısı xatırlanıb və yarımmüdafiəçi bundan əsəbiləşib. O, jurnalistin boğazından yapışaraq onu döymək istəyib. Yaxın skamyada əyləşənlər Ardanı çətinliklə sakitləşdirməyə çalışıb. Aralıda oturan millinin baş məşqçisi Fatih Terim hadisəyə müdaxilə etməyib. 

 

Arda jurnalistə qarşı təhqiredici ifadələr də səsləndirib və onu döymək istəyib: “Söylə, Bilal Meşe, de görüm orda idinmi? Bizimlə idinmi premya mövzusunda yazdın? Biz kimdən pul dilənmişik? Bunları sənə kim yazdırıb? Bizim ölkə belədir, indi də səni təyyarəyə götürüblər. Deyirəm, eşitsinlər, sənin kimisini bu təyyarəyə götürənin... Məni də başqaları kimi zənn etdin, fahişənin balası. Mən futboldan gedərəm, amma ailəmə söz gətirmərəm”.