Zaqata şəhər stadionunda yenidənqurma işləri davam edir

Zaqatala şəhər stadionunda yenidənqurma işləri davam etməkdədir. Futbolxeber.az-ın məlumatına görə, artıq mərkəzi arenanın köhnə süni ot örtüyünün sökülməsi işləri gedir. Bundan qabaq isə direnaj sisteminin yenilənməsi və digər hazırlıq işləri görülmüşdü. İyun ayının əvvələrindən işlərə başlayan Bolqarıstanın "Dinamik Resurs” şirkətinin əməkdaşları əsas meydança ilə paralel, ehtiyat meydandada yenidənqurma işlərini davam etdirir. Növbəti mövsümün startına qədər işlərin tamamlanması nəzərdə tutulub.

Köhnə süni ot örtüyü söküldükdən sonra, ondan istifadə edərək Zaqatalanın böyük kəndlərində yeni meydançalar salınacaq. Orada "Simurq" futbol məktəbləri açaraq, ucqar kəndlərdən mərkəzə gələ bilməyən uşaqların futbolun sirrlərini öyrənməsi üçün imkanlar yaradılacaq. Burada seçilənlər komandanın aşağı yaş qruplarının əsas heyətlərinə cəlb olunacaq. Zaqatala şəhər stadionunda isə Hollandiyanın “Edel Qras” şirkətinin FİFA-nın 2 ulduzlu standartlarına cavab verən, 2013-cü il istehsalı süni ot örtüyü döşənəcək.

Bundan başqa stadionun texniki sahələridə təmir ediləcək. Paltardəyişmə və digər texniki otaqlarda yenilənmə işləri görüləcək.