“CBC-Sport” Portuqaliya çempionatını yayımlaya bilər: “Hazırda danışıqlar aparılır”

Yeni mövsümdən etibarən Portuqaliya çempionatına ölkəmizdə böyük maraq olacaq. Sabiq “Xəzər Lənkəran”lı Elnur Cəfərov “Tondela”ya, son mövsümü “Kəpəz”də keçirən Budaq Nəsirov isə “Sportinq”ə transfer olunub. Eləcə də Emin Mahmudov “Boavişta” ilə anlaşıb. Tamaşaçı marağının qarşısında idman kanallarımızdan birinin Portuqaliya çempionatının oyunlarını yayımlanması sürpriz olmaz.

Artıq “CBC-Sport” kanalı bu istiqamətdə fəaliyyətə başlayıb. Bu barədə Futbolxeber.az saytına "CBC-Sport"un baş redaktoru Şəmsəddin Abbasov məlumat verib: “Portuqaliya çempionatını yayımlamaq fikrimiz var. Hazırda danışıqlar aparılır. Yaxın 10 gün ərzində qarşı tərəfdən cavab almalıyıq”.