DÇ: daha 2 boksçumuz 1/4 finalda

Qətərdə boks üzrə dünya çempionatı davam edir. Futbolxeber.az-ın boks federasiyasının rəsmi saytına istinadən verdiyi məlumata görə, daha iki idmançımız 1/4 final mərhələsinə vəsiqə qazanıb. Yeniyetmələrin Olimpiya oyunlarının qalibi Rüfət Hüseynov (49 kq) 1/8 final mərhələsində özbəkistanlı Hasanboy Dusmatovla qarşılaşıb. Gərgin mübarizə şərairtində keçən görüş həmyerlimizin qələbəsi ilə yekunlaşıb – 2:1. Milli komandamızın üzvü növbəti mərhələdə ukraynalı Dmitri Zamotayevlə üz-üzə gələcək. Qeyd edək ki, Zamotayev Bakıda keçirilən Avropa Oyunlarının bürünc mükafaçısı olub.

Dünya çempionatının digər debütantı Tayfur Əliyev də (56 kq) yarışa qələbə ilə başlayıb. Həmyerlimiz 1/8 final mərhələsində monqolustanlı İderkhuu Enhjarqalı məğlub edib  – 3:0. Boksçumuz ¼ final mərhələsində irlandiyalı Maykl Konlanla qarşılaşacaq. Son Avropa çempionu olan Konlan həm də London Olimpiadasının bürünc mükafatçısıdır.