Tovuzda Vilayət Zeynalovun yubileyinə həsr olunmuş mini-futbol turniri keçirilir

May ayının 1-dən 6-dək “Top-klub”da Tovuz futbolunun banisi Vilayət Zeynalovun 80 illik yubileyinə həsr olunmuş müəssisələrarası mini-futbol turniri keçirilir. Futbolxeber.az-ın məlumatına görə, turnirdə 8 komanda 2 yarımqrupda yarışacaq.

“A” yarımqrupu

1. ”Finca” (“Finca” BOKT)

2. SOCAR (Tovuz QİS)

3. “Amrahbank” (“Amrahbank” ASC Tovuz filialı)

4. “Ocaq”  (“İnşaat” tikinti materialları müəssisəsi)

“B” yarımqrupu

1.“Biskolata” (“Veysəloğlu” MMC)

2. “Reyesr xidməti”  (ƏMDK yanında DƏDRX-nin 15 saylı ərazi idarəsi)

3. “Ticarətçi”  (“Nəsimi” Ticarət Mərkəzi)

4. “Tovuz” (Tovuz rayon İcra nümayəndəliyi)

Qeyd edək ki, turnir AFFA-nın dəstəyi ilə keçirilir.

Xatırladaq ki, Vilayət Zeynalov 1935-ci ildə Tovuz şəhərində anadan olub. 1953-cü ildə Tovuzun “Məhsul” komandasına qəbul olunub. 1954-1959-cu ildə  Gəncə Kənd Təsərrüfat İnstitunda təhsil aldığı müddətdə Gəncənin yığma komandasında çıxış edib. Təhsilini başa vurduqdan sonra isə, 1959-1965-ci illərdə yenidən Tovuzun “Məhsul” komandasında çıxış edib. Tovuzun qabaqcıl futbolçularından biri olub. 2013-cü ildə fəaliyyətinə görə ölkə prezidenti tərəfindən “Tərəqqi” medalı ilə təltif olunub.