Xankəndi stadionundakı oturacaqlar söküldü

Antiterror tədbirlərindən sonra işğaldan azad olunmuş Xankəndi şəhərindəki mərkəzi futbol stadionunda təmir-bərpa işlərinə start verilib.

Futbolxeber.az saytının modern.az-a istinadən verdiyi məlumata görə, artıq separatçıların qondarma “bayrağının” rəngində olan oturacaqlar stadionun tribunalarından sökülüb. Stadionun tribunalarında qondarma rejimin “bayrağı” rənglərində olan oturacaqlar yeniləri ilə əvəzlənəcək. Sözügedən arenanın tutumu 15 min nəfərdir.

Bu yaxınlarda "Qarabağ" komandasının bu mövsüm bir və ya bir neçə oyununu Xankəndidə keçirəcəyinə dair məlumat yayılıb. Lakin bu məlumatlar klub tərəfindən təsdiq edilməyib.