“Sumqayıt”ın heyətində ciddi itkilər

Azərbaycan Premyer Liqasının 7-ci turunda "Qəbələ" ilə matçda zədələnən "Sumqayıt"ın futbolçuları Rüstəm Əhmədzadə və Jeam Oliveyra bir müddət yaşıl meydanlardan kənarda qalacaq.

Futbolxeber.az saytının məlumatına görə, Rüstəm Əhmədzadə təxminən 2 həftə kollektivdən ayrı düşəcək. Oliveyranın zədəsi daha ciddidir. Onun sıraya dönməsi 6-8 həftə çəkəcək.

Qeyd edək ki, həmin matçda “Qəbələ”ni 4:1 hesabı ilə məğlub edən “Sumqayıt” sabah Azərbaycan Premyer Liqasının 8-ci turunda öz meydanında "Araz-Naxçıvan"ı qəbul edəcək.