“Sabah” və “Qarabağ”ın oyunları təxirə salındı

Peşəkar Futbol Liqası (PFL) Azərbaycan Premyer Liqasının 2-ci turunun “Sabah” - “Sumqayıt” və “Qarabağ” - “Kəpəz” oyunlarının təxirə salınması barədə qərar qəbul edib.

Futbolxeber.az saytının məlumatına görə, bu haqda qurumun mətbuat xidməti açıqlama yayıb.

“Ölkəmizi müvafiq olaraq UEFA Çempionlar Liqasında və UEFA Konfrans Liqasında təmsil edən “Sabah” və “Qarabağ” klublarının rəsmi müraciətlərini, onların tur üzrə rəqiblərinin rəsmi razılıq məktublarını nəzərə alan Peşəkar Futbol Liqası ölkəmizin beynəlxalq arenada idman nüfuzunun uğurla təmsil olunmasını rəhbər tutaraq “Sabah” - “Sumqayıt” və “Qarabağ” - “Kəpəz” oyunlarının təxirə salınması barədə qərar qəbul edib”, - deyə məlumatda bildirilib.