Kurban Berdıyevdən qələbə şərhi

“Çempionatın ilk oyunu hər zaman çətin keçir. Şadam ki, qələbə qazandıq. Çox vacib qələbə oldu”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının ilk turunda “Qəbələ”ni 1:0 hesabı ilə məğlub etdikləri oyundan sonra deyib.

Təcrübəli mütəxəssis Tavareş və Balau haqda fikirlərini bölüşüb: “İkisi də komandaya yaxşı adaptasiya oldular. Balaunu transfer etdiyimizə görə şadıq. Tavareş də bu gün başqa səviyyədə oyun göstərdi. Bu da rəqabətin güclü olacağından xəbər verir”.

O, “90 dəqiqə ərzində 2 futbolçunuz zədələndi. Bu, təlim-məşq toplanışının ağır keçməsindən xəbər verir?” sualını belə cavablandırıb: “Hər iki zədə də fiziki təmasla bağlı oldu. Siz necə düşünürsünüz, bu, təlim-məşq toplanışı ilə bağlı ola bilərmi?”