Kaxaber Sxadadze: “Turan Tovuz”un ciddi qol epizodları olmadı”

“Yaxşı, maraqlı oyun oldu. Görüş bərabər mübarizə şəraitində keçdi. Birinci hissədə bir səhv etdik və rəqib fərqləndi. Bundan başqa, “Turan Tovuz”un ciddi qol epizodları olmadı”.

Futbolxeber.az saytının məlumatına görə, bu sözləri “Qəbələ”nin baş məşqçisi Kaxaber Sxadadze Azərbaycan Premyer Liqasının ilk turunda “Turan Tovuz”a uduzduqları oyundan sonra deyib.

Gürcü mütəxəssis 0:1 hesablı məğlubiyyəti belə şərh edib:

“İkinci hissədə rəqibi sıxdıq,  təhlükəli vəziyyətlər yaratdıq. Son ötürmələrdə və zərbələrdə soyuqqanlılıq çatmadı. Bu heyətlə ilk oyuna çıxırdıq. Buna baxmayaraq, komandada böyük potensial gördüm. Bir qədər də artırıb növbəti oyunlarda uğurlu nəticələr əldə etməyə çalışacağıq”.

Sxadadze “Qəbələ” fanatlarına təşəkkürünü bildirib:

“Uzaq məsafə qət edib Tovuza gələn azarkeşlərimizə təşəkkür edirəm. Ötən mövsüm də çətin vəziyyətdə olarkən sonadək komandaya dəstək oldular”.