“Qarabağ”ın oyununun biletləri satışa çıxdı

Azərbaycan Premyer Liqasının ilk turu çərçivəsində keçiriləcək “Qarabağ” - “Şamaxı” oyununun biletləri bu gün saat 15:00-dan etibarən satışa çıxıb.

Futbolxeber.az saytının məlumatına görə, biletlərin qiyməti sektorlara uyğun olaraq dəyişir və 5-20 manat aralığındadır.

Biletlər iTicket.az-da onlayn satışdadır. Oyun günü isə azarkeşlər biletlərini stadionun kassalarından və ya iTicket.az-dan əldə edə bilərlər.

Qeyd edək ki, qapılar azarkeşlər üçün matçın start fitindən 120 dəqiqə əvvəl açılacaq.

Xatırladaq ki, avqustun 17-də Tofiq Bəhramov adına Respublika stadionunda keçiriləcək “Qarabağ” - “Şamaxı” matçı 19:30-da start götürəcək.