“Sabah” Danimarka çempionuna qarşı

Bu gün UEFA Çempionlar Liqasında 3-cü təsnifat mərhələsinin cavab oyunlarına start veriləcək.

Futbolxeber.az saytının məlumatına görə, Azərbaycan təmsilçisi "Sabah" da bu gün meydana çıxacaq.

Valdas Dambrauskasın komandası öz meydanında Danimarka çempionu "Orhus"la qarşılaşacaq.

Tərəflər arasında Danimarkada keçirilən ilk matçda "Orhus" 2:1 hesablı qələbə qazanıb.

Bu cütün qalibi pley-off mərhələsində "Srvena Zvezda" - "Hapoel" (Ber-Şeva, İsrail) duelinin güclüsü ilə qarşılaşacaq.

Məğlub tərəf isə Avropa Liqasının pley-offunda "Benfika" (Portuqaliya) - "Harts" (Şotlandiya) cütünün qalibi ilə üz-üzə gələcək.

UEFA Çempionlar Liqası

III təsnifat mərhələsi, cavab oyunu

11 avqust

20:00. "Sabah" (Azərbaycan) - "Orhus" (Danimarka)

Baş hakim: Villi Delajo (Fransa)

“Bank Respublika Arena”

İlk oyun - 1:2