“Neftçi” və “Sea Breeze” arasında əməkdaşlıq davam edəcək

“Neftçi” və “Sea Breeze” arasında əməkdaşlıq 2026/27 mövsümündə də davam edəcək.

Futbolxeber.az saytının məlumatına görə, bu barədə “ağ-qaralar”ın mətbuat xidməti açıqlama yayıb.

“Yeni mövsüm çərçivəsində “Sea Breeze” loqosu mövsüm boyu komandamızın rəsmi oyun formalarının sağ qol hissəsində yer alacaq.

Əməkdaşlıq çərçivəsində “Sea Breeze” ərazisində fəaliyyət göstərən “Neftçi Store” azarkeşlərimizə xidmət göstərməyə davam edəcək. Tərəflər arasında müxtəlif sosial layihələrin və tədbirlərin birgə təşkili də nəzərdə tutulur. Bununla yanaşı, “Sea Breeze” klubun qonaqlarının yerləşdirilməsi sahəsində dəstəyini davam etdirəcək”, - deyə klubun açıqlamasında qeyd olunub.