“Neftçi” Slovakiya millisinin hücumçusunu transfer edir

"Neftçi”nin növbəti transfer hədəfi məlum olub.

Futbolxeber.az saytının məlumatına görə, “ağ-qaralar” Slovakiya millisinin hücumçusu Lümobir Tuptanı transfer etmək istəyir. 28 yaşlı futbolçu həm hücumun mərkəzində, həm də cinahda çıxış edir.

Tupta peşəkar karyerasına İtaliyanın “Verona” klubunda başlayıb. Daha sonra o, müxtəlif vaxtlarda “Visla” (Polşa), “Askoli” (İtaliya), “Sion” (İsveçrə), “Slovan” (Çexiya), “Peskara” (İtaliya) və “Vidzev”də (Polşa) forma geyib.

Slovakiyalı forvardın son klubu isə “Larissa” olub. 2025-ci ildən çıxış etdiyi Yunanıstan klubunda o, 35 matçda 8 qol vurub.

Lümobir Tupta Slovakiyanın U-17 (6 oyun, 3 qol), U-18 (6 oyun, 1 qol), U-19 (9 oyun, 4 qol) və U-21 (12 oyun, 5 qol) yığmalarında forma geydikdən sonra 2023-cü ildə əsas millidə debüt edib.