Muaddibi rəsmən “Qarabağ”da

"Qarabağ" fransalı vinger Jali Muaddibi transfer edib.

Futbolxeber.az saytının məlumatına görə, bu barədə klubun mətbuat xidməti açıqlama yayıb. Futbolçu ilə 3 illik müqavilə imzalanıb.

Bu gün tibbi müayinədən keçən 25 yaşlı vinger 2029-cu ilin yayına qədər “Qarabağ”da çıxış edəcək. Muaddibi Ağdam klubunda 7 nömrəli formanı geyinəcək.

Qeyd edək ki, Jalinin son klubu Kipr təmsilçisi “Omoniya” (Aradippou) olub. O, karyerası ərzində Fransada “Lill” və “Anje”nin B komandalarında, həmçinin “Avranş”da, Rumıniyada “Botoşani”də çıxış edib.

Xatırladaq ki, Muaddib Fransanın U-19 milli komandasının formasını geyinib.