Nərimanın ABŞ-dəki illik maaşı rəsmən açıqlandı

Qış transfer pəncərəsində “Qarabağ”dan ABŞ-nin “Kolambus Kru” klubuna transfer olunan Azərbaycan millisinin üzvü Nəriman Axundzadənin maaşı müəyyənləşib.

Futbolxeber.az-ın məlumatına görə, bu barədə MLS-in Oyunçular Assosiasiyasının hesabatında qeyd olunub.

Nəriman Axundzadənin illik maaşı vergilərlə birlikdə 633 min 390 dollar (bugünkü məzənnəyə uyğun olaraq 1 milyon 7 min 600 manat), vergilərsiz isə 550 min dollar (935 min manat) təşkil edir. Siyahıya isə Lionel Messi başçılıq edir. O, illik 28 milyon dollar maaş alır.

Qeyd edək ki, Nəriman Axundzadə “Kolambus Kru” ilə 3,5 illik müqavilə imzalayıb.