Azərbaycan Kuboku: 30 final, 289 463 tamaşaçı

Futbol üzrə Azərbaycan Kubokunun 30 finalını tribunlardan ümumilikdə 289 463 tamaşaçı izləyib.

Futbolxeber.az saytının məlumatına görə, turnirin 34-cü mövsümünün finalı 32-ci həlledici qarşılaşma olacaq.

Bunadək 2001/2002 və 2019/2020 mövsümləri başa çatdırılmayıb. 30 finaldan biri – 2020/2021 mövsümünün matçı koronavirus pandemiyası səbəbindən tamaşaçısız keçirilib.

30 finalı ümumilikdə 289 463 seyrçi izləyib. Həlledici qarşılaşmaların orta göstəricisi 9649-a bərabərdir.

2009/2010 mövsümünün finalını isə rekord sayda 26 000 tamaşaçı seyr edib. "Bakı" və "Xəzər Lənkəran" arasında keçirilən görüş ümumiyyətlə daxili yarışlarda qeydə alınan ən yüksək göstəricidir.

1992-də finalı 1000, 1993-də 10000, 1993/94-də 1350, 1994/95-də 5000, 1995/96-da 5000, 1996/97-də 5000, 1997/98-də 5500, 1998/99-da 8000, 1999/00-da 6000, 2000/01-də 2000, 2003/04-də 8000, 2004/05-də 10000, 2005/06-da 6000, 2006/07-də 10000, 2007/08-də 20000, 2008/09-da 10000, 2009/10-da 26000, 2010/11-də 24000, 2011/12-də 4300, 2012/13-də 20000, 2013/14-də 22000, 2014/15-də 4500, 2015/16-da 23000, 2016/17-də 12800, 2017/18-də 4500, 2018/19-da 10000, 2021/22-də 3500, 2022/23-də 9000, 2023/24-də 5500, 2024/25-də isə 7513 tamaşaçı izləyib

Xatırladaq ki, cari mövsüm Azərbaycan Kubokunun finalında "Sabah" və "Zirə" komandaları üz-üzə gələcək. Qarşılaşma mayın 13-də "Palms Sports Arena"da, saat 20:00-da start götürəcək (pfl.az).