Sxadadze: “İstefaya səsləyənlər 13-14 yaşlı uşaqlardır”

Azərbaycan Premyer Liqasının 24-cü turunda "Qəbələ" doğma meydanda "Neftçi"yə 1:3 hesabı ilə məğlub olub.

Futbolxeber.az saytının məlumatına görə, "Qəbələ"nin baş məşqçisi Kaxaber Sxadadze oyundan sonra keçirilən mətbuat konfransında görüş haqda fikirlərini bölüşüb:

"Fikrimcə, bərabər bir oyun keçdi. Oyuna çox yaxşı başlamışdıq. Təəssüf ki, çox sadə qollar buraxdıq. Bu səviyyədə belə səhvlərə yol vermək olmaz. Xüsusən də "Neftçi" kimi komandalara qarşı. Psixoloji baxımından işləmək lazımdır. Görünən odur ki, futbolçularda psixoloji baxımdan problem var. Fiziki cəhətdən hər hansı bir problemimizin olduğunu düşünmürəm”.

O, azarkeşlər tərəfindən istefaya səslənməsinə belə münasibət bildirib: “Müəyyən müddətdir burada işləyirəm. Bəzi azarkeşlərin istefaya səsləməsini anlamıram. Avropada bu cür hallarda komandaya və baş məşqçiyə sona qədər dəstək olurlar. İstefaya səsləyənlər 13-14 yaşlı uşaqlardır".