Kurban Berdiyev: “Şamaxı"nın müdafiəsi yaxşı oynadı”

“Mənə elə gəlir ki, heç-heçə ədalətli nəticədir. Hər iki komanda qol epizodları yarada bilmirdi. Təəssüflər olsun ki, əvəzetmələr də uğurlu alınmadı”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdıyev Azərbaycan Premyer Liqasının 20-ci turunda “Şamaxı”ya qarşı keçirilən oyundan (0:0) sonra deyib.

Təcrübəli mütəxəssis qol epizodlarının olmamasının səbəbini belə izah edib: “Şamaxı”nın müdafiəsi yaxşı oynadı. İstənilən halda daha çox qol epizodu yaratmalı idik. Məşqlərdə çalışdıqlarımızı edə bilmədik. Təhlillər aparacağıq”.

O, yeni transfer Mark Rene Mampassidən də söz açıb: “Uzun müddətdir ki, məşq etməyib. Ümid edirik ki, bizə fayda verəcək”.