“Antalyaspor” - “Qəbələ” matçında qolsuz heç-heçə

Mövsümün ikinci yarısının hazırlıqlarını Antalyada davam etdirən "Qəbələ"nin əvəzedicilər komandası toplanış çərçivəsində üçüncü yoxlama oyununu keçirib. Futbolxeber.az-ın klubun rəsmi saytına istinadən verdiyi məlumata görə, müvafiq olaraq Rusiya təmsilçisi "Lokomotiv" (0:2) və Küveytin U-21 millisi (1:0) üz-üzə gələn "qırmızı-qaralar" bu dəfə "Antalyaspor"un U-19 komandası ilə münasibətlərinə aydınlıq gətirib. Meydançaya 19 yaşa qədər futbolçulardan ibarət heyətlə çıxan "Qəbələ" qarşılaşma boyu daha üstün oyun nümayiş etdirsə də, görüşdə hesab açılmayıb - 0:0.

"Qəbələ" toplanış çərçivəsində növbəti oyunda bu gün Ukrayna "Şaxtyor"unun əvəzedici heyəti ilə üz-üzə gələcək.