“Metallurq”un baş məşqçisi “Neftçi”ni təriflədi

Ukraynanın “Metallurq” (Zaporojye) klubunun baş məşqçisi Oleq Taran “Neftçi” PFK ilə bu gün baş tutan yoxlama oyunundan sonra fikirlərini “ağ-qaralar”ın rəsmi saytına bildirib. Futbolxeber.az-ın məlumatına görə, Taran rəqib haqda xoş sözlər deyib: “Neftçi” çox xoşuma gəldi. Rəqib çox güclü komandadır. Hiss olunur ki, əbəs yerə son üç ilin çempionu deyillər. “Neftçi” kompakt futbol oynayır. Rəqibdən xüsusilə Flavinyo, Araz Abdullayev, Bruno Bertuççi və Karlos Kardosonu fərqləndirərdim. Bu gün həm onlar, həm də biz qələbə qazana bilərdik. Bu bizim hazırlıq dönəmində ikinci oyunumuz idi. Səhvlərimizi aradan qaldırmağa çalışacağıq”.