Nəriman Axundzadənin ABŞ klubuna transferi rəsmiləşdi

"Qarabağ" klubu ilə ABŞ təmsilçisi "Kolumbus Kru” arasında aparılan danışıqlar yekunlaşıb.

Futbolxeber.az saytının məlumatına görə, bu barədə həm Ağdam təmsilçisi, həm də "Kolumbus Kru” açıqlama yayıb.

Beləliklə, Nəriman Axundzadənin MLS klubuna keçidi barədə razılıq əldə olunub. 21 yaşlı futbolçu ilə 2029-cu ilin iyununa qədər müqavilə imzalanıb.

Xatırladaq ki, Nəriman Premyer Liqada 84 oyunda 24 qol vurub. O, komandanın heyətində 3 dəfə ölkə çempionu, 1 dəfə kubokun qalibi olub.

Qeyd edək ki, Azərbaycanın U-19 və U-21 yığmalarında da oynamış Nəriman əsas millinin heyətində 13 matç keçirib.