“Şamaxı” - “Qarabağ” oyununun başlama saatı dəyişdirildi

Azərbaycan Premyer Liqasının 19-cu turunda keçirilməli olan “Şamaxı” - “Qarabağ” oyununun başlama saatı güclü qar səbəbindən dəyişilib.

Futbolxeber.az saytının məlumatına görə, bu haqda Peşəkar Futbol Liqası açıqlama yayıb.

Bildirilib ki, stadionun daha yaxşı vəziyyətə gətirilməsi, komandaların isinmə hərəkətlərini normal yerinə yetirə bilməsi üçün matça əvvəlcədən nəzərdə tutulduğu kimi 14:30-da deyil, 14:50-də start verilməsi planlaşdırılır.