“Qarabağ” MLS klubu ilə razılığa gəldi: Nəriman ABŞ yoljnda

“Qarabağ” futbolçusu Nəriman Axundzadənin MLS (ABŞ) təmsilçisi "Kolumbus Kru" (Columbus Crew) klubuna keçəcəyini rəsmən elan edib.

Futbolxeber.az saytının məlumatına görə, bu haqda Ağdam təmsilçisi açıqlama yayıb.

Qeyd edilib ki, ABŞ klubu ilə aparılan danışıqları yekun mərhələyə çatıb və tərəflər arasında razılıq əldə olunub.

Mövcud razılaşmaya əsasən, futbolçuya qarşı tərəf ilə şəxsi müqavilə şərtlərinin müzakirə edilməsinə icazə verilib.

Prosesin növbəti mərhələləri ilə bağlı əlavə məlumat rəsmi şəkildə ictimaiyyətə təqdim olunacaq.