"Neftçi"də braziliyalı vinger?

“Neftçi” daha bir transferi bitirməyə yaxındır.

Futbolxeber.az-ın məlumatına görə, bu iddia ilə Kiprin “Goal News” saytı yazıb.

İddiaya görə, Bakı klubu "Etnikos"dan (Kipr) braziliyalı vinger Breno Almeydanın keçidi üçün ciddi addımlar atıb və razılaşma yekunlaşmaq üzrədir.

Mənbənin bildirdiyinə görə, tərəflər transfer məbləği ilə bağlı artıq ortaq məxrəcə gəliblər. Futbolçunun özü də “Neftçi”yə keçməyə razıdır. Gözlənilməz bir dəyişiklik baş verməsə, bu transfer tezliklə baş tutacaq. Hazırda yalnız rəsmi prosedurların tamamlanması qalıb. 27 yaşlı futbolçu bu halda Kiprdə keçirdiyi 1,5 ildən sonra karyerasını Azərbaycanda davam etdirəcək.

Kipr mənbələri onu da iddia edir ki, bu transfer üçün "Neftçi" "Etnikos"a 100 min avro təzminat ödəyəcək ki, bu da Kiprin klubunun tarixində rekord göstərici olacaq.