"Qarabağ"ın zədəli futbolçularını durumuna aydınlıq gəldi

"Qarabağ" klubu zədəli futbolçuları ilə bağlı açıqlama yayıb.

Futbolxeber.az saytının məlumatına görə, açıqlamada qeyd edilib ki, "Sabah"la görşüdə sıradan çıxan Joni Montiel arxa bud əzələsinin gərilməsi səbəbindən müalicə olunur. Onun yaşıl meydanlara qayıdışı 7-10 gün ərzində gözlənilir.

Bud-çanaq oynağından əməliyyat olunan qapıçı Şahruddin Məhəmmədəliyevin həkimlərin rəyinə əsasən müalicə-bərpa müddəti 4-6 ay təşkil edəcək.

Bir müddətdir zədədən əziyyət çəkən Kadi Borges isə bərpa prosesinin növbəti mərhələsi olaraq yanvar ayında fərdi məşqlərə başlayacaq.

Hər üç futbolçunun müalicə prosesinin klubun tibbi heyətinin nəzarəti altında davam etdiyi bildirilib.