I Liqa klubunun futbolçusu 3 oyunluq cəzalandı

AFFA İntizam Komitəsinin bugünkü iclasında I Liqanın 10-cu turunda baş verənlərlə bağlı da qərarlar qəbul olunub.

Futbolxeber.az saytının məlumatına görə, “Mingəçevir” - “Cəbrayıl” oyununda meydan sahiblərinin 4 futbolçusu sarı vərəqə aldığı üçün Mingəçevir təmsilçisi 210 manat cərimə edilib.

“Baku Sportinq” - “Şahdağ Qusar” oyununun 15-ci dəqiqəsində meydan sahiblərinin 20 nömrəli futbolçusu Əli Mürsəlov təcavüzkar davranışa görə birbaşa vərəqə aldığı üçün 3 oyunluq cəzalanıb, “Baku Sportinq” komandası 900 manat cərimə edilib.

Matç ərzində qonaqların 4 futbolçusu sarı vərəqə aldığı üçün “Şahdağ Qusar”  210 manat cərimə edilib.

MOİK - “Şimal” oyununda meydan sahiblərinin 4 futbolçusu sarı vərəqə aldığı üçün “hərbçilər” 210 manat cərimə olunub.

“Şəfa” - “Zaqatala” qonaqların 4 futbolçusu sarı vərəqə aldığı üçün bölgə təmsilçisi 210 manat cərimə edilib.

“Səbail”lə oyunda 4 futbolçusu sarı vərəqə aldığı üçün “Difai” də 210 manat cərimə ödəyəcək.