Mahirin komandası penaltilərlə mərhələ adladı

Azərbaycan milli komandasının hücumçusu Mahir Emrelinin çıxış etdiyi “Rakuv” Polşa kubokunda qələbə qazanıb.

Futbolxeber.az saytının məlumatına görə, komanda 1/16 finalda səfərdə “Motor”la qarşılaşıb. Əsas və əlavə vaxtı 1:1 hesabı ilə yekunlaşan matçın penaltilər seriyasında "Rakuv" üstün olub - 3:1.

Beləliklə, Çenstoxova təmsilçisi1/8 finala adlayıb.

Mahir Emreli qarşılaşmaya start heyətdə başlayıb və 82-ci dəqiqədə - komandası hesabda 0:1 geridə olarkın Adam Basse ilə əvəzlənib. "Rakuv" bərabərlik qolunu 90+4-cü dəqiqədə vurub.