“Qəbələ”nin yeni transferi: “Komandaya dönüşüm gözlənilməz oldu”

“Qəbələ” mənim üçün doğma klubdur. Yenidən keçmiş komandama döndüyümə görə sevincliyəm”. Futbolxeber.az-ın məlumatına görə, bu sözləri “Qəbələ” ilə yeni müqavilə imzalayan Anar Nəzirov deyib.

Klubun rəsmi saytına danışan A.Nəzirov dönüşünün gözlənilməz olduğunu qeyd edib: “Düzünü desəm, dönüşüm gözlənilməz oldu. Çalışacağam komandama yararlı olum, mənə bəslənən ümidləri doğruldum. "Qəbələ" rəhbərliyinin, azarkeşlərimizin bu mövsüm üçün yüksək hədəfləri var, kollektivdən uğur gözləyirlər. Digər komanda yoldaşlarım kimi gücümü ortaya qoyub uğur qazanmaq üçün səy göstərəcəyəm. Artıq "Qəbələ"nin düşərgəsində məşqlərə başlamışam. İnanıram ki, ikinci yarının startına kimi istənilən səviyyədə olacağam".