Anar Nəzirov yenidən "Qəbələ"də

“Qəbələ” heyətinə daha bir futbolçu cəlb edib. Futbolxeber.az-ın məlumatına görə, Ruslan Tağızadə və Rafael Santosu rənglərinə bağlayan komanda bu dəfə qapı xəttini gücləndirib. 2010-2011 və 2012-2013 mövsümünü “Qəbələ”də keçirən, cari mövsümün ilk yarısında isə "Sumqayıt"ın qapısını qoruyan milli komandamızın üzvü Anar Nəzirov “Qəbələ” ilə birillik müqavilə imzalayıb.

Qeyd edək ki, 1985-ci ildə anadan olan Nəzirov “Gəncə” (2005-2006), “Turan” (2007-2008), “Neftçi” (2008-2009), “Standard” (2009-2010), “Qəbələ” (2010-2011), “Turan” (2011-2012), "Qəbələ" (2012-2013), "Sumqayıt" (2013) klublarında forma geyib.