Aleks Souza: “Bu qolun ardı gələcək”

“Qarşılaşma çox çətin alındı. “Qəbələ” yaxşı komandadır. Ümumilikldə biz yaxşı oyun keçirdik. Düzdür, elə də çox qol imkanlarımız olmadı. Lakin əlimizə düşən fürsətdən maksimum yararlandıq və qələbə qazandıq. Buna görə çox şadıq. Yolumuza davam edirik”.

Futbolxeber.az saytına açıqlamasında bu sözləri “Turan Tovuz”un hücumçusu Aleks Souza deyib.

O, növbəti turda “Sabah”a qarşı keçirəcəkləri görüşdən də söz açıb: “Artıq məşqlərə başlamışıq. “Sabah” yaxşı komandadır. Lakin biz də zəif deyilik. Məqsədimiz yalnız qələbədir. Buna görə də səfərə 3 xal üçün yollanacağıq”.

“Qəbələ” ilə görüşdə mövsümdə ilk qolunu vuran braziliyalı forvard bunun ardının gələcəyinə inanır: “Nəhayət ki, mövsümdə qol hesabımı açdım. Təbii ki, buna görə şadam. Düşünürəm ki, bu qol mentalitetimi dəyişəcək. Ardı gələcək. Məqsədim hər matçda komandama faydalı olmaqdır”.

TAĞI