2 Avqust 2025, Şənbə
“Neftçi” AEL-lə heç-heçə oynadı
Andrade: “Xarakter göstərdik”
“Zirə” avrokuboklarla vidalaşdı
"Araz-Naxçıvan" III mərhələdə!

Ölkə futbolu

Azərbaycan UEFA reytinqində xal ehtiyatını artırıb

Azərbaycan UEFA reytinqində xal ehtiyatını bu həftə bir qədər də artırıb.

Futbolxeber.az saytının məlumatına görə, bu, “Qarabağ”, “Sabah” və “Araz Naxçıvan”ın avrokuboklardakı uğurlu çıxışları sayəsində mümkün olub.

Avrokubokların 2-ci təsnifat mərhələlərinin cavab matçlarında “Qarabağ” (Çempionlar Liqası) “Şelburn”a (İrlandiya), “Sabah” (Konfrans Liqası) “Petrokub”a (Moldova) qalib gəlib, “Araz Naxçıvan” (Konfrans Liqası) “Aris”lə (Yunanıstan) heç-heçə edib.

Beləliklə, bu həftə üç Azərbaycan klubu ümumilikdə 2,5 xal qazanıb (təsnifat mərhələsində hər qələbəyə 1, heç-heçəyə 0,5 xal verilir). Qaydalara görə, toplanan ümumi xallar hər iştirakçı ölkənin öz komandaları arasında bölündüyündən Azərbaycanın bu həftə ümumi qazancı 0,625 xal olub.

Əvvəlcədən xəbər verdiyimiz kimi, Azərbaycan bu həftə UEFA reytinqində Rusiyanı (yarışlardan qeyri-müəyyən müddətə xaric olunub) ötərək 29-cu yerdən 28-ci pilləyə yüksəlib.

Hazırda ölkəmizin ümumi xal ehtiyatı 18,750-dir. Azərbaycanın ən yaxın izləyicisi olan 30-cu pillədəki Bolqarıstanın 17,250 xalı var. Ölkəmizdən bir pillə öndə - 27-ci yerdə qərarlaşmış Ukraynanın xal ehtiyatı isə 19,225-dir.

“Qarabağ”, “Sabah” və “Araz Naxçıvan”ın gələn həftə üçüncü mərhələdə ilk oyunlarını keçirəcəyini nəzərə alsaq, xalların yenə artacağı istisna deyil.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31