"Araz-Naxçıvan" III mərhələdə!

Bu gün UEFA Konfrans Liqasında 2-ci təsnifat mərhələsinin cavab oyunları keçirilir.

Futbolxeber.az saytının məlumatına görə, təmsilçilərimizdən “Araz-Naxçıvan” Yunanıstanda “Aris”in qonağı olub.

Tərəflər arasında Bakıda keçirilən ilk oyunda Elmar Baxşıyevin komandası 2:1 hesablı qələbə qazanıb.

Səfərdə 2:2-lik bərabərliyə nail olan Elmar Baxşıyevin komandası növbəti mərhələyə adlayıb. Naxçıvan klubunun növbəti rəqibi ötən il Konfrans Liqasının pley-offunda "Zirə"ni mübarizədən kənarlaşdıran "Omonia" (Kipr) olacaq.

UEFA Konfrans Liqası

II təsnifat mərhələsi, cavab oyunu

31 iyul

“Aris” (Yunanıstan) - “Araz Naxçıvan” (Azərbaycan) - 2:2

Qollar: Çarls Boli, 11 (0:1), Felipe Santos, 37 (0:2), Fabiano Laysmann, 62 (1:2), Monçu, 90 (2:2)

Baş hakim: David Dikinson (Şotlandiya)

Saloniki. "Kleantis Vikelidis" stadionu

İlk oyun - 1:2