“Turan Tovuz” “Atletiko”nun sabiq yarımmüdafiəçisini transfer etdi

"Turan Tovuz" növbəti transferini reallaşdırıb.

Futbolxeber.az saytının klubun mətbuat xidmətinə istinadən verdiyi məlumata görə, Tovuz təmsilçisi Roberto Olabe ilə anlaşıb. İspaniyalı yarımmüdafiəçi ilə 2 illik müqavilə imzalanıb.

2018-ci ildə Madrid “Atletiko”sunun heyətində UEFA Superkubokunu başı üzərinə qaldıran Olabe “Eybar”, “Alkorkon”, “Albasete”, “Deportivo”, “Estremadura”, “İbiza” klublarının formasını geyinib. 29 yaşlı futbolçu bir mövsüm Portuqaliyada legioner həyatı yaşayıb. O, “Tondela”nın heyətində 17 oyunda meydana çıxıb.

Qeyd edək ki, "Turan Tovuz" daha öncə David Oliveyra Tavareş və Abdulla Rzayevi transfer edib.