"Turan Tovuz"da ayrılıq

"Turan Tovuz" futbolçu Orxan Əliyevlə vidalaşıb.

Futbolxeber.az saytının məlumatına görə, bu barədə klubun mətuat xidməti açıqlama yayıb.

Tərəflər arasında bağlanmış müqaviləyə qarşılıqlı razılıq əsasında xitam verilib.

Bölgə təmsilçisi göstərdiyi xidmətlərə görə Orxan Əliyevə təşəkkür edib, gələcək karyerasında uğurlar arzulayıb.

Qeyd edək ki, 29 yaşlı hücumçu bu ilin yanvar ayından "Turan Tovuz"un formasını geyinirdi.

Xatırladaq ki, "Turan Tovuz" bunadək İvan Konovalov, Alexandro Serrano, Kauan Martins de Paula, Eltun Turabov, Kristian da Silva, İsmayıl Zülfüqarlı, Araş Qadiri, Anton Kraçkovski və Sadiq Quliyevlə də yollarını ayırıb.