“Lill”in yetirməsi “Neftçi”də - SON DƏQİQƏ

“Neftçi” növbəti transferin anonsunu verib.

Futbolxeber.az saytının məlumatına görə, klubun mətbuat xidməti “Tapın, görək kimdir?” başlıqlı paylaşım edib.

“Neftçi” hələlik açıqlamasa da, növbəti transfer fransız yarımmüdafiəçi İmad Farajdır. Keçidin tezliklə rəsməmn açıqlanacağı gözlənir.

Qeyd edək ki, 26 yaşlı fransalı “Lill”in yetirməsidir. O, bu klubun əsas heyətində 7 matça çıxıb. Daha sonra Faraj Portuqaliyanın “Belenenseş”, Belçikanın “Muskron” klublarında forma geyib. 2021-ci ildən isə fransız Larnaka AEK-ində oynayıb. Kipr təmsilçisinin heyətində İmad Faraj 124 matçda 17 qol vurub.

“Neftçi”nin yeni transferi Fransanın U-16, U-17, U-18 və U-19 millilərində forma geyib.