Avropa çempionatı: Elçin Məsiyev Gürcüstan - Portuqaliya oyununa təyinat aldı

Azərbaycanlı FİFA referisi Elçin Məsiyev növbəti təyinat alıb.

Futbolxeber.az saytının məlumatına görə, o, 21 yaşadək futbolçulardan ibarət komandalar arasında Avropa çempionatının qrup mərhələsinin III turu çərçivəsində keçiriləcək Gürcüstan - Portuqaliya oyununun baş hakimi olacaq.

Ona Elşad Abdullayev və Pərvin Talıbov kömək edəcəklər. Dördüncü hakim funksiyasını venesuelalı Aleksis Errera yerinə yetirəcək.

İyunun 17-də Slovakiyanın Trençin şəhərində yerləşən “Siqot” stadionunda keçiriləcək C qrupunun matçı Bakı vaxtı ilə saat 20:00-da başlanacaq.

Qeyd edək ki, Elçin Məsiyev iyunun 12-də turnirin A qrupunun Çexiya - İngiltərə (1:3) görüşünü idarə edib.

Əlavə edək ki, 2 turdan sonra Portuqaliya 4 xalla qrupda ikinci, Gürcüstan isə 3 xalla üçüncüdür.