"Zirə"dən heç-heçə, "Araz-Naxçıvan" və "Turan Tovuz"dan qələbə

Bu gün Azərbaycan Premyer Liqasında 35-ci tur start götürüb.

Futbolxeber.az saytının məlumatına görə, ilk oyun günündə 3 matç keçirilib.

“Araz-Naxçıvan” səfərdə “Şamaxı”nın qonağı olub. Rəqibini məğlub edən Naxçıvan klubu üçüncü yeri təmin edib.

“Sumqayıt” doğma divarlar arasında “Turan Tovuz”a uduzub. Bu qələbə sayəsində Tovuz klubunun mövsümü dördüncü pillədə başa vuracağı dəqiqləşib.

Digər matçda isə artıq gümüş medalı təmin edən “Zirə” “Sabah”la heç-heçə edib.

Qeyd edək ki, tura sabah keçiriləcək 2 matçla yekun vurulacaq.

Azərbaycan Premyer Liqası

35-ci tur

17 may

"Sumqayıt" - "Turan Tovuz" - 0:1

Qol: Emmanuel Hakman, 30

Hakimlər: Tural Qurbanov, Asiman Əzizli, Müslüm Əliyev, Alik Yunusov

Mehdi Hüseynzadə adına Sumqayıt şəhər stadionu

"Zirə" - "Sabah" - 1:1

Qollar: Georgi Papunaşvili, 26 (1:0), Pavol Şafranko, 67 (1:1)

Hakimlər: Elçin Məsiyev, Elşad Abdullayev, Pərvin Talıbov, Vüqar Həsənli

Zirə İdman Kompleksinin stadionu

"Şamaxı" - "Araz-Naxçıvan" - 0:1

Qol: Felipe Santos, 44

Hakimlər: İnqilab Məmmədov, Namiq Hüseynov, Rahil Ramazanov, Kamranbəy Rəhimov

Şamaxı şəhər stadionu

18 may

17:00. "Neftçi" - "Səbail"

19:00. "Qarabağ" -  "Kəpəz"