Azər Bağırov: “Üzərimizdə psixoloji basqı yox idi”

“İnanıram ki, oyun hamının xoşuna gəldi. Maraqlı oyun oldu. Premyer Liqada qalmağı təmin etməyimizə baxmayaraq, uşaqlar yaxşı mübarizə apardılar. Bütün "Kəpəz" cameəsini təbrik edirəm”.

Futbolxeber.az saytının məlumatına görə, bu sözləri “Kəpəz”in baş məşqçisi Azər Bağırov Azərbaycan Premyer Liqasının 34-cü turunda “Sumqayıt”a 1:0 hesabı ilə qalib gəldikləri oyundan sonra deyib.

Daha sonra o, jurnalistlərin suallarını cavablandırıb:

- Komanda Premyer Liqada qalmağı təmin etmişdi. Dünən həm də klubun yeni sponsoru açıqlandı. Bu amillərin komandanın motivasiyasına təsiri oldu?

- Hər ikisi ola bilər. Hər oyun futbolçunun həyatında yeni səhifədir. Bir amil də odur ki, üzərimizdə psixoloji basqı yox idi.

- Növbəti mövsümün planları cızılmağa başlayıb?

- Yaxın vaxtlarda bu sualların hamısına cavab verəcəyik.