“Rəvan” ilin son oyununa hazırdı

Bu həftə Azərbaycan Premyer Liqasında 2013/14 mövsümü yarılanacaq. Futbolxeber.az-ın məlumatına görə, 18-ci turun matçları ilə ikinci dövrəyə yekun vurulacaq. "Rəvan” ilin son oyununda "Simurq”u qəbul edəcək. Zaqatala klubu ilə oyuna hazırlığa həftənin əvvəlindən başlayan komanda "Bayıl Arena”dakı çalışmalarda taktiki-texniki hazırlığa daha çox üstünlük verib.

Bugünkü, yəni oyunöncəsi son məşq də bu baxımdan istisna olmayıb. Baş məşqçi Şahin Diniyevin rəhbərliyi altında futbolçular ümumi qrupda qaçdıqdan, isinmə hərəkətlərini yerinə yetirdikdən sonra yüngül məşqlə kifayətlənib. Taktiki-texniki planda hazırlaşan futbolçular artıq oyun saatını gözləyir.

Qeyd edək ki, "Rəvan” - "Simurq” oyunu sabah saat 16:00-da başlayacaq və görüş "Bayıl Arena”da keçiriləcək.