“Bakı”da qaldığım üçün çox şadam”

Risto Ristoviç “Bakı” ilə müqaviləsini yeniləməsinə münasibət bildirib. Futbolxeber.az saytına verdiyi açıqlamada serb futbolçu bu durumdan məmnun olduğunu gizlətməyib: “Çox şadam ki, “Bakı” ilə yeni müqavilə imzaladım. Mən özüm də komandada qalmaq istəyirdim. Burada özümü çox yaxşı hiss edirəm. Gələcəkdə də “Bakı”nın uğurlu çıxışı üçün əlimdən gələni edəcəyəm”.

Xatırladaq ki, dekabrda müqavilə müddəti başa çatacaq futbolçu “zolaqlılar”la sözləşməsini 1,5 illiyinə uzadıb.