Qurban Qurbanov: "AFFA-nın qərarına hörmətlə yanaşmaq lazımdı"

“Qarabağ” klubunun baş məşqçisi Qurban Qurbanov Berti Foqtsun müqaviləsinin artırılması ilə bağlı fikirlərini bildirib.  “Qafqazinfo”ya açıqlama verən təcrübəli məşqçi ümumilkdə, qərardan razı qaldığını dilə gətirib: “Əvvəla, uğurlar arzulayıram. Bu hər halda birbaşa federasiyanın verdiyi bir qərardır və hörmətlə yanaşmaq lazımdır. Ümid edirəm ki, baş məşqçi ilə millimiz önümüzdəki illərdə daha da böyük uğurlara imza atacaq. Mahmudun və Aslanın köməkçi olmalarına da çox sevinirəm. Mənə elə gəlir ki, artıq futbolçularımız barədə daha düzgün informasiya veriləcək. Çünki istər Mahmud, istərsə də Aslan futbolumuzu və futbolçularımızı daha yaxından tanıyırlar. Bu istiqamətdə biz hamımız eyni məqsəd üçün çalışmalıyıq. Çünki söhbət milli komandadan gedir. Və bacardığımız köməkliyi göstərməliyik. Bir daha hər birinə uğurlar arzulayıram”