“Neftçi”dən azarkeşlərə jest: Kubok oyunu üçün biletlərə endirim edildi

“Neftçi” ölkə kubokunun yarımfinal mərhələsinin ilk oyunu çərçivəsində “Sabah”a qarşı keçiriləcək matçdan öncə azarkeşlərə jest edib.

Futbolxeber.az saytının məlumatına görə, “ağ-qaralar” bilet qiymətlərinə endirim edib.

Normalda 3 kateqoriya üzrə 3, 5 və 10, VİP biletlər isə 20 və 30 manata olur. Lakin “Sabah”la oyuna daha çox azarkeş cəlb etməyi hədəfləyən “ağ-qaralar” biletlərin qiymətini 2, 3 və 5 manata endirib. VIP biletlər isə bu dəfə 15 və 20 AZN təşkil edir.

Qeyd etdiyimiz kimi, bu addım oyuna daha çox azarkeş cəlb etməyə hesablanıb. Mövsümdə ən vacib matçlarından birinə çıxacaq flaqman “12-ci oyunçu”nun dəstəyinə ehtiyac duyur. Avrokuboklara yollanmaq baxımından “Sabah”la görüş “Neftçi” üçün həyati əhəmiyyət kəsb edir.

Qeyd edək ki, biletləri aşağıdakı linkə daxil olaraq onlayn şəkildə əldə etmək mümkündür:

https://iticket.az/.../neftci-pfk-sabah-fk-kubok2/149972

Qeyd edək ki, aprelin 2-də keçiriləcək “Neftçi” - “Sabah” qarşılaşması 19:30-da start götürəcək.