“Sumqayıt”ın qol və qələbə həsrəti bitdi!

“Sumqayıt” uğursuz seriyaya son qoyub.

Futboxeber.az saytının məlumatına görə, son 9 turda qol vura bilməyən və qələbəyə həsrət qalan “gənclik şəhəri”nin təmsilçisinin həsrəti Azərbaycan Premyer Liqasının 26-cı turunda “Kəpəz”ə qarşı keçirilən matçda bitib.

Gəncə klubu ilə matçın 20-ci dəqiqəsində hesabı açan Roy Kehat 9 turdan sonra “Sumqayıt”ın vurduğu ilk qolun müəllifi olub. Vaqif Cavadovun komandası sonuncu dəfə 16-cı turda “Neftçi”yə qarşı matçda fərqlənmişdi.

Növbəti 9 turda qol vura bilməyən “Sumqayıt” təbii ki, belədə qələbəyə də həsrət qalmışdı. Nəhayət “Kəpəz”i 3:0 hesabı ilə məğlub etməklə “Sumqayıt” həm qol, həm də qələbə həsrətinə son qoyub.