30 Noyabr 2025, Bazar günü
Qurban Qurbanovdan qələbə şərhi
Adil Şükürov rəsmən "Səbail"də
UEFA “Qarabağ”ı cərimələdi
Kurban Berdiyev: “2 xal itirdik”

Ölkə futbolu

Ehtiram Quliyev: “Avrokubokdakı rəqibimizi Tovuzda qəbul etmək üçün UEFA-ya müraciət edəcəyik”

“Avrokuboka vəsiqə qazansaq, rəqibimizi doğma meydanda qəbul etmək üçün UEFA-ya müraciət edəcəyik”.

Futbolxeber.az saytının məlumatına görə, bunu "Report"a açıqlamasında “Turan Tovuz” klubunun İdarə Heyətinin sədri Ehtiram Quliyev deyib.

O, komandanın avrokuboklara vəsiqə qazanacağına və mövsümü uğurlu nəticə ilə başa vuracağına inandığını bildirib: "Premyer Liqanın 2/3 hissəsi arxada qalıb. Turnir cədvəlindəki mövqeyimiz avrokuboklara düşə biləcəyimizi göstərir. Əlimizdən gələni edəcəyik ki, mövsümün sonunda istəyimizə çatacaq. İstədiyimiz uğurlu nəticəyə çatmağımıza az qalıb".

Klub rəhbəri Konfrans Liqasına vəsiqə qazanacaqları təqdirdə, rəqiblərini doğma meydanda qəbul etmək istədiklərini söyləyib: “Havalar hələ ki, soyuq keçir. İnşallah, yaxın müddətdə stadionda bəzi işlər görüləcək ki, UEFA-nın standartlarına cavab verən kateqoriyanı ala bilək. Ümidlərimiz böyükdür. Təbii ki, bunun üçün ilk növbədə UEFA Konfrans Liqasına vəsiqəni təmin etməliyik. İstəyimizə çatacağımız təqdirdə, I təsnifat mərhələsindəki rəqibimizi Tovuzda qəbul etmək istəyirik. Bunun üçün UEFA-ya müraciət edəcəyik".

O, Tovuzda tikilən yeni bazanın açılışının yaxın günlərdə olacağını və istifadəyə veriləcəyini vurğulayıb: "Yaxın müddətdə Tovuzdakı yeni bazamız akademiyamızda futbolun sirrlərinə yiyələnən, əvəzedici heyətin və əsas komandamızın üzvlərinin ixtiyarına veriləcək. Bazada artıq son tamamlama işləri aparılır. Açılış mərasimi yaxın günlərdə olacaq və mətbuat işçilərini dəvət edəcəyik".

Qeyd edək ki, "Turan Tovuz" Azərbaycan Premyer Liqasında 24 turdan sonra 42 xalla dördüncü sırada qərarlaşıb.








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Noyabr 2025
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30