Azər Bağırov: “Bu, gələcək oyunlar üçün motivasiyadır”

“Azarkeşlərimizə təşəkkür edirəm. Sona qədər komandamızın yanında idilər. Bu, gələcək oyunlar üçün motivasiyadır. Maraqlı oyun keçdi. Qollarımızı vura bilmədik. "Neftçi" ilə matçlarda şanssızlıq anları çox olur. Daha çox qol epizodlarını bu matçlarda yaradırıq. Bunun üzərində işləməliyik. Dinamik matç keçdi. Təəssüf ki, uduzduq”.

Futbolxeber.az saytının məlumatına görə, bu sözləri “Kəpəz”in baş məşqçisi Azər Bağırov Azərbaycan Kubokunun 1/4 final mərhələsinin cavab oyununda “Neftçi”yə 0:3 hesabı ilə uduzduqları matçdan sonra deyib.

O, növbəti matçda çempionat oyununda "Neftçi”yə qarşı keçirəcəkləri matçdan da söz açıb: “Bu mövsüm dörd dəfə "Neftçi" ilə qarşılaşmışıq. Bəzi şeyləri analiz etməyə dəyməz. Dediyimiz səhvlər var ki, qalib gəlmək üçün onları minimuma endirməliyik. Futbolçular bəzi şeyləri meydanda daha yaxşı icra etməyə başlayanda vəziyyət müsbətə doğru dəyişir. Çox futbolçunun potensialını bilirik. Oyun intizamı futbolda çox önəmlidir. Son məğlubiyyətlərə səbəb odur”.