Mustafa Sek: “Qələbələr inamımızı artırır”

“Qələbə qazandığımız üçün sevinirik. Bilirdik ki, bizi çətin oyun gözləyir. Buna baxmayaraq, qalib gəldik, yarımfinal adladıq. Artıq çempionata köklənməliyik”

Futbolxeber.az saytının məlumatına görə, bu sözləri “Neftçi”nin müdafiəçisi Mustafa Sek Azərbaycan Kubokunun 1/4 final mərhələsinin cavab oyununda “Kəpəz”i 1:0 hesabı ilə məğub etdikləri matçdan sonra deyib.

O, gələn həftə Azərbaycan Premyer Liqasının 25-ci turunda Gəncə klubuna qarşı keçiriləcək matçdan da söz açıb: “Həmin görüş də çətin keçəcək. Rəqib çalışacaq ki, daha yaxşı nəticə qazansın, inamlı təsir bağışlasın. Qələbələr inamımızı artırır. Ona görə səfərə 3 xal üçün yollanacağıq”.

Seneqallı yarımmüdafiəçi indidən kubokun yarımfinalı barədə düşünməyin tez olduğunu vurğulayıb: “Kubokda növbəti rəqibin kimliyi ciddi mənada əhəmiyyət kəsb etmir. Onsuz da bilirdik ki, hansı komanda ilə üzləşsək, çətin olacaq. Yarımfinalda asan oyun olmayacaq. Həmin  matçlar apreldədir. O vaxta qədər çempionat barədə düşünməliyik”.