“Qələbə qazanmaq vacib idi”

“Bugünkü oyunda qələbə qazanmaq vacib idi. 3 xalı qazandığımız üçün şadam. Komandamı təbrik edirəm”. Futbolxeber.az-ın məlumatına görə, bu sözləri “Sumqayıt”la oyundan sonra “İnter”in baş məşqçisi Kaxaber Tsxadadze deyib. Gürcü məşqçi komandasının rəqibdən üstün olduğunu bildirib: “Sumqayıt” komandası əsasən gənc futbolçulardan təşkil olunub, sevindirici haldır ki, sonadək mübarizə apardılar, əzmkar oyun göstərdilər. Lakin bu gün “İnter” rəqibindən üstün idi”.