Son 12 mövsümdə ilk

“Kəpəz” Azərbaycan Premyer Liqasında ardıcıl ikinci ev oyununda 3 və ya daha çox qol vurub.

Futbolxeber.az saytının məlumatına görə, 19-cu turda “Turan Tovuz”a 5:2 hesabı ilə qalib gələn Gəncə klubu 21-ci turda “Sabah”a qarşı məhsuldarlıq nümayiş etdirib - 3:2.

“Kəpəz” son 12 mövsümdə ilk dəfə ardıcıl iki dəfə qonaqların qapısına minimum 3 top vurub. Qərblilər sonuncu dəfə 2011/12 mövsümündə belə göstəriciyə imza atıb. Gəncə təmsilçisi 2012-ci ilin martında “Qəbələ”ni 3:2, “Sumqayıt”ı 4:1 hesabı ilə məğlub edib.

Qeyd edək ki, “Kəpəz”in evdə ardıcıl üç və ya daha çox top vurduğu oyunların sayındakı rekordu 7 matçdan ibarətdir. Bu seriya 1997-98-ci illərdə qeydə alınıb.