30 Avqust 2025, Şənbə
Sergen Yalçın yenidən “Beşiktaş”da
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı

Ölkə futbolu

"Sumqayıt"ın ev oyunları 72230 tamaşaçı canlı izləyib

"Sumqayıt" klubunun Mehdi Hüseynzadə adına Sumqayıt şəhər stadionunda bir il ərzində keçirdiyi 21 qarşılaşmanı ümumilikdə 72230 tamaşaçı canlı izləyib.

Futbolxeber.az saytının klubun mətbuat xidmətinə istinadən verdiyi məlumata görə, bu gün sözügedən arenada yenidənqurmadan sonra keçirilən ilk qarşılaşmadan 1 il keçir.

Ötən ilin bu günü komanda doğma stadionda “Neftçi” üzərində 2:1 hesablı qələbə qazanaraq arenaya toplaşmış azarkeşlərini sevindirməyə nail olmuşdu. Bu oyunların 19-u Azərbaycan Premyer Liqası, 1-i Azərbaycan Kuboku, 1-i isə UEFA Konfrans Liqasının II təsnifat mərhələsində baş tutub. Bu qarşılaşmalarda Sumqayıt təmsilçisi 10 qələbə, 3 heç-heçə və 8 məğlubiyyətlə yadda qalıb.

Bir il ərzində Mehdi Hüseynzadə adına Sumqayıt şəhər stadionunda keçirilmiş 21 qarşılaşmanı ümumilikdə 72230 tamaşaçı canlı izləyib ki, bu da hər oyuna ortalama 3450 nəfər deməkdir. Bu matçlarda ən çox azarkeş sayı ötən mövsüm baş tutan “Sumqayıt” - “Qarabağ” (Premyer Liqanın XXXII turu - 9300 tamaşaçı), “Sumqayıt” – “Qəbələ” (Premyer Liqanın XXXVI turu - 9300 tamaşaçı) və cari mövsümün əvvəlində oynanılmış “Sumqayıt” - “Fehervar” (UEFA Konfrans Liqasının II təsnifat mərhələsi - 9200 tamaşaçı) olub. Ən az azarkeş isə bu mövsüm Azərbaycan Kubokunun 1/8 final mərhələsində baş tutan “Sumqayıt” - MOİK qarşılaşmasında qeydə alınıb - 400 nəfər.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31